Тешка сообраќајна несреќа се случи вечерва на експресниот пат Кочани-Штип во близина на село Тракање.
Според првичните информации несреќата се случила меѓу три возила. Како што велат надлежните од СВР-Штип, има и повредени лица, но во моментов не се знае со какви повреди се.
Во тек е увидот на местото на несреќата од страна на истражните органи, а патот е затворен за сообраќај.
Возилата се пренасочуваат кон регионалниот пат Кочани-Штип.
Според АМСМ експресниот пат Кочани-Штип е затворен од 19.10 часот.