Со средства од ЕУ започна изградбата на скејт-парк во Делчево – нова содржина за младите и туристите во градот
Започна изградбата на скејт-парк во Делчево – нова содржина за младите и туристите
Овој работен викенд во Делчево официјално започна реализацијата на уште еден значаен инфраструктурен проект. Станува збор за изградба на современ скејт-парк, наменет за младите и за сите посетители кои сакаат активна рекреација и забава.
Новиот скејт-парк претставува дополнување на туристичката понуда на Делчево и создавање ново катче за спорт, рекреација и социјализација на младите. Проектот е вреден 2.403.000 денари, а средствата се обезбедени преку Европската унија, односно ИПА-програмата за прекугранична соработка.
Изградбата на скејт-паркот е дел од еден од петте проекти што се реализираат во рамки на прекуграничната соработка меѓу Општина Делчево и Општина Благоевград од Република Бугарија. Двете општини се долгогодишни и традиционални партнери и досега заеднички имаат успешно реализирано четири проекти финансирани од претпристапните фондови на Европската унија, додека во моментов се спроведува и петтиот проект.
Вкупната вредност на тековниот проект изнесува околу еден милион евра европски средства, кои ќе бидат насочени кон инфраструктурни инвестиции. Целта е подобрување на квалитетот на живот на жителите во пограничниот регион и создавање услови за одржлив локален развој.
Овој работен викенд во Делчево официјално започна реализацијата на уште еден значаен инфраструктурен проект. Станува збор за изградба на современ скејт-парк, наменет за младите и за сите посетители кои сакаат активна рекреација и забава.
Новиот скејт-парк претставува дополнување на туристичката понуда на Делчево и создавање ново катче за спорт, рекреација и социјализација на младите.
Проектот е вреден 2.403.000 денари, а средствата се обезбедени преку Европската унија, односно ИПА-програмата за прекугранична соработка.
Изградбата на скејт-паркот е дел од еден од петте проекти што се реализираат во рамки на прекуграничната соработка меѓу Општина Делчево и Општина Благоевград од Република Бугарија. Двете општини се долгогодишни и традиционални партнери и досега заеднички имаат успешно реализирано четири проекти финансирани од претпристапните фондови на Европската унија, додека во моментов се спроведува и петтиот проект.
Вкупната вредност на тековниот проект изнесува околу еден милион евра европски средства, кои ќе бидат насочени кон инфраструктурни инвестиции. Целта е подобрување на квалитетот на живот на жителите во пограничниот регион и создавање услови за одржлив локален развој.