Големото германско дерби помеѓу Борусија Дортмунд и Баерн Минхен го одбележа сензационално изненадување. Главниот тренер на „жолто-црните“ Нико Ковач ги изостави двајца од своите главни играчи – шутерот Серу Гираси и дефанзивецот Рами Бенсебаини – од стартниот состав, а причината се покажа како необична.
По натпреварот, хрватскиот стратег откри дека двајцата играчи постеле и, според него, тоа влијаело на нивната физичка состојба.
„Серу и Рами постат. Тие се на овој режим две недели, а во тој период одигравме четири натпревари. Не е лесно за професионален спортист да не јаде и пие цел ден. Затоа решив да не ги пуштам од првата минута“, објасни Ковач.
Тој изјави дека ги има сите потребни податоци и според нив, недостатокот на храна и внесување на течности влијае на перформансите.
„Како тренер, јас сум одговорен за здравјето на моите играчи“, додаде менторот.
Борусија поведе во дербито со голот на Нико Шлотербак во 26-тата минута, но Хари Кејн израмни во 54-тата. Англичанецот реализираше и пенал во 70-тата минута за 2:1, Свенсон го врати изедначувањето, а на крајот Џошуа Кимих му ја донесе победата за Баерн.
Со победата, Баварците ја зголемија својата предност на врвот и сега се 11 бода пред Борусија во трката за титулата во Бундеслигата.