Бродови и танкери што им припаѓаат на земји кои Техеран ги смета за непријатели или нивни сојузници. Изјавата ја даде иранскиот министер за надворешни работи Абас Арагчи, пренесуваат иранските државни медиуми.
Според него, Иран внимателно ја следи ситуацијата во регионот и ќе реагира доколку неговата енергетска инфраструктура стане цел на нови напади. Арагчи предупреди дека во таков случај Техеран би можел да нападне објекти поврзани со американски компании во регионот.
„Ормускиот теснец е затворен само за танкери и бродови што им припаѓаат на непријателите на Иран и нивните сојузници“, изјави Арагчи.
Тој додаде дека Иран ќе се обидува да избегнува напади врз населени подрачја, но нагласи дека земјата е подготвена да возврати доколку нејзините енергетски капацитети бидат погодени.
Ормускиот теснец е еден од најважните светски поморски коридори за транспорт на нафта, низ кој секојдневно поминува значителен дел од глобалната испорака на енергенси. Поради тоа, секоја закана или ограничување во овој регион веднаш предизвикува реакции на глобалните пазари и ја зголемува загриженоста за енергетската стабилност.