Американскиот претседател Доналд Трамп испрати силна порака до светот, тврдејќи дека воениот конфликт со Иран е при самиот крај. За време на заедничката прес-конференција со јапонската премиерка Санае Такаичи, тој ги смири страстите околу дополнителна воена ескалација, потврдувајќи дека нема намера да испраќа нови американски трупи на Блискиот Исток.
Трамп со доза на триумфализам ги опиша нападите врз Иран како „краток излет“, нагласувајќи дека воената моќ на Техеран, особено нивната морнарица и противвоздушна одбрана, се речиси целосно неутрализирани. Иако светот стравуваше од економски колапс, претседателот истакна дека пазарот на нафта реагирал многу поблаго од очекуваното. „Мислев дека ќе биде многу полошо, но ситуацијата е под контрола“, изјави тој, упатувајќи истовремено критики кон НАТО и барајќи поголем ангажман од Јапонија.