Исфенираниот боб од деведесеттите комбинира две од најмодерните фризури: фризурата со фенирање и класичниот боб.
Пролетта е сè за промени, нови трендови и освежувања, како во гардеробата, така и во светот на убавината. Ако и самите размислувате за промена, можеби фризура, еве предлог што можете да го испробате во новата сезона. Станува збор за исфенираниот боб, фризура што ги обележа деведесеттите години од минатиот век, а сега ни доаѓа во уште подобра, пософистицирана и елегантна верзија. Токму она што е потребно за топлата сезона.
Исфенираниот боб од деведесеттите комбинира две од најмодерните фризури: фризурата со фенирање и класичниот боб. Ги обединува, а резултатот е шик фризура што е совршена за гламурозни пригоди, и е одличен избор за секој ден.
И додека претходните години беа обележани со „неуредна“ коса, лежерни пунџи и фризури што изгледаат ноншалантно, сега акцентот е ставен на елеганција и сјај. Со оглед на тоа што минатата година беше сè за боб-фризурата, фризерите веруваат дека нејзината доминација ќе продолжи во текот на целата година, а ако сакате да додадете доза на гламур, пробајте боб-фризура на фен.
View this post on Instagram
Волуменот доаѓа до израз, па затоа е време да ја замените пеглата за коса со четка за да го постигнете тоа, пишува Glamour. Пред да ја поделите косата на неколку делови за сушење со фен, нанесете масло по должината и врвовите. Исушете прамен по прамен користејќи четка за тркалезен волумен и фен за коса, а за да постигнете „воздушен“ ефект, стилизирајте ја косата во насока подалеку од лицето за да постигнете динамика.
Фенирањето секогаш е најдобро да се прави во салон, но постојат неколку трикови со кои можете да постигнете генијална коса на фен дома. Според експертите на Glamour, најдобар е фен за коса со најмалку 1800 вати и различни поставки за топлина и воздух.
Користете средна јачина за сушење, бидејќи тоа ќе заштеди многу време, а користете ја највисоката јачина на фенот за стилизирање. Имајте на ум дека топлината е она што ја фиксира вашата коса и ви помага да го постигнете изгледот што го сакате. Користете ја функцијата за ладен воздух за да додадете сјај на вашата коса.
View this post on Instagram
Кога станува збор за алатки, тркалезната четка е најдобриот избор, а колку е поголема четката, толку побрзо ќе ја исушите косата. Не заборавајте на квалитетните производи, во спротивно вашата коса брзо ќе „висне“.
Производите за коса играат голема улога во постигнувањето на совршена фризура со фен, затоа не ги прескокнувајте. Производите за заштита од топлина се особено важни, а можете да додадете и крем за стилизирање, како и спреј за волумен и пена во вашата рутина.