Учениците од Vlll и IX одделение од ООУ „Дедо Иљо Малешевски, денеска ја посетија Општина Берово, во рамки на наставната содржина по предметот граѓанско образование.
Посетата беше организирана со цел, учениците одблиску да се запознаат со работата на локалната самоуправа и нејзината улога во секојдневниот живот на граѓаните.
За време на посетата, учениците имаа можност да ги посетат просториите на општината и да се запознаат со работата на различните одделенија. Вработените во општината им објаснија кои се нивните надлежности, како се реализираат општинските активности и на кој начин се носат одлуки важни за локалната заедница.
Преку оваа едукативна посета, учениците стекнаа нови знаења и практични сознанија за улогата и значењето на локалната самоуправа. Тие имаа можност подобро да разберат како функционира една општина и колку е важна одговорноста на институциите во служба на граѓаните и да поставуваат прашања.
Ваквите активности претставуваат значаен дел од воспитно-образовниот процес, бидејќи кај учениците поттикнуваат интерес за општествените процеси, развиваат чувство на одговорност и ја нагласуваат важноста на активното учество на младите во заедницата.