Меките крпи со текот на времето често стануваат груби поради водата, наслагите од детергентот и нечистотиите. Но, според експерти за чистење, нивната мекост може лесно да се врати со обична сода бикарбона.
Инфлуенсерката Леан, која споделува совети за одржување на домот, препорачува во барабанот на машината за перење, заедно со крпите, да се додаде околу половина шолја сода бикарбона. Таа помага да се отстранат наслагите од детергент, ги неутрализира непријатните мириси и ја освежува ткаенината.
Таа советува и да не се користи премногу детергент, бидејќи неговиот вишок останува во влакната на подебелите ткаенини и ги прави крпите крути по сушењето. Наместо тоа, препорачува да се стави приближно двојно помала количина од вообичаената.
За најдобри резултати, крпите треба да се перат на 40 Целзиусови степени, температура која е доволна за да ги отстрани нечистотиите, а притоа да не ги оштети влакната. Според оние што го испробале овој трик, крпите остануваат помеки, посвежи и подолго ја задржуваат својата текстура.