Денеска времето во земјава ќе биде сончево и топло со мала до умерена локална облачност, но во попладневните часови се очекува развој на нестабилна облачност и појава на пороен дожд и грмежи.
Според УХМР, локално временските процеси ќе бидат поинтензивни и ќе прераснат во невреме, проследено со силен ветер, пороен дожд, грмежи и појава на град.
Ќе дува слаб до умерен ветер од променлив правец.
Во Скопје се очекува сончево и топло време со мала до умерена облачност, а попладне нестабилност со пороен дожд, грмежи и засилен ветер. Максималната температура ќе достигне 35 степени Целзиусови.
Нестабилното време ќе продолжи и утре претпладне, кога повторно се очекуваат локални врнежи, грмежи и засилен ветер, а на места и невреме со град.
Потоа, до почетокот на следната седмица, се очекува претежно сончево и топло време со мала до умерена локална облачност.
Во петок ќе дува засилен до силен ветер, претежно од северен правец.