Манекенката Кендал Џенер во новата епизода на реалното шоу „Кардашијанс“ проговори за долгогодишните шпекулации за нејзината сексуалност, кои се појавија поради блиското пријателство со манекенката Кара Делевињ.
Триесетгодишната Џенер откри дека со Делевињ се дружи веќе 11 или 12 години и дека таа ѝ била голема поддршка на почетокот на кариерата.
„Мораме да го разјасниме ова. Луѓето мислат дека сум хомосексуалка само затоа што ние две толку многу се сакаме. Не сум хомосексуалка“, изјави Џенер.
Таа ги демантираше гласините дека некогаш била во романтична врска со Делевињ, нагласувајќи дека отсекогаш биле само најдобри пријателки.
„Ја сакам Кара. Таа ми е како сестра и меѓу нас никогаш ништо не се случило. Всушност, мислам дека би било забавно и прекрасно да се биде хомосексуалка“, рече манекенката.
Џенер потоа се пошегува дека животот можеби би ѝ бил поедноставен доколку ја привлекувале жени.
„Би било забавно да сум хомосексуалка, а можеби и полесно, бидејќи мажите се ужасни. Инаку, немам ништо против секс со Кара. Едноставно, никогаш не сум почувствувала привлечност кон жени“, објасни таа.
„Но, никогаш не вели никогаш, нели?“, заклучи Џенер.