Генералното собрание на Обединетите нации денеска со големо мнозинство ја усвои Њујоршката декларација, документ со кој повторно се повикува на решение за израелско-палестинскиот конфликт врз основа на моделот „две држави“. Во декларацијата, меѓу другото, се осудува дејствувањето на Хамас и се истакнува потребата од траен мир и стабилност на Блискиот Исток.
Македонија при гласањето беше воздржана, приклучувајќи се во групата земји што не дадоа ниту поддршка ниту глас против резолуцијата. Други земји што гласаа воздржано се Албанија, Камерун, Чешка Република, Демократска Република Конго, Еквадор, Етиопија, Фиџи, Гватемала, Молдавија, Самоа, Јужен Судан.
Декларацијата беше поддржана од голем број членки на ОН, додека мал дел гласаа против или се воздржаа.
Против беа САД, Израел, Аргентина, Унгарија, Микронезија, Науру, Палау, Папуа Нова Гвинеја, Парагвај и Тонга.
За резолуцијата гласаа Франција, Саудиска Арабија, Германија, Канада, Австралија, Грција, Кипар, Белгија, Италија, Шпанија, Јапонија, Јужна Кореја, Бразил, Јужна Африка, Индонезија, Мексико, Аргентина, Египет, Турција, Пакистан, Нигерија, Филипини, Нова Зеландија, Шведска, Норвешка, Данска, Финска, Холандија, Луксембург, Португалија, Чиле, Перу…
Со ова, Обединетите нации уште еднаш ја потврдија својата поддршка за дводржавното решение како основа за идниот мировен процес меѓу Израел и Палестина.
The post Македонија воздржана при гласањето за Њујоршката декларација во ОН appeared first on МКД.МК.