Во Пехчево отпочнаа градежните активности за реализација на проектот „Реконструкција и рехабилитација на постоечки пат во село Робово“.
Градоначалникот на Пехчево, Александар Китановски, информира дека проектот е обезбеден преку Отворениот јавен повик за финансирање на предлог-проекти за намалување на диспаритетите меѓу и во рамките на планинските региони и зголемување на регионалната конкурентност за 2025 година, од Министерството за локална самоуправа
„Со реконструкцијата и рехабилитацијата на постоечкиот пат значително ќе се подобри инфраструктурата во селото Робово, што директно ќе придонесе за подобри услови за живот на жителите“, изјави Китановски.
Вредноста на проектот изнесува 3.422.642 денари, а градежните работи ги изведува фирмата „Грамада“ ДООЕЛ од Берово
