Со вчерашниот триумф над Работнички во рамките на 7. коло од домашниот фудбалски шампионат, екипата на Вардар под водство на Гоце Седлоски дојде и до бројката од 25 натпревари без пораз во сите домашни натпреварувања (првенство и куп).
„Црвено-црните“ нанижаа шест победи во досегашните седум натпревари од новата сезона во Првата македонска фудбалска лига, а имаа само едно реми против екипата на Брера Струмица. Претходно Вардар не знае за пораз од 16 февруари оваа година, кога последен пат на домашната сцена беше поразен и тоа од актуелниот шампион на Македонија, екипата на Шкендија (1:2).
Во следното коло, „вардарци“ ги очекува гостување во Куманово против екипата на Башкими.