Меркур, планетата на комуникацијата и логичното расудување, на 1 јануари влегува во Јарец, каде што ќе престојува до 20 јануари. Оваа позиција на Меркур ќе донесе одлични вести за Јарците, Девиците и Биковите.
Меркур во Јарец носи сериозен, промислен и многу практичен начин на размислување и комуникација. Мислите се насочени кон конкретни цели, долгорочни планови и реални решенија, без непотребни зборови и разубавувања.
Дисциплина
Лицата со ваква позиција на Меркур зборуваат одмерено, често дури кога се сигурни во она што сакаат да го кажат, па можат да делуваат постудено или подистанцирано, иако зад тоа стојат одговорност и потреба за прецизност.
Умот е дисциплиниран, способен за организација, стратегија и систематично размислување, што претставува одлична основа за работа, планирање на финансии и донесување важни одлуки.
Одговорна комуникација
Меркур во Јарец не сака површни разговори; повеќе му одговараат теми што имаат тежина, смисла и практична вредност. Во учењето и работата присутна е истрајност, но и побавно темпо, бидејќи знаењето се гради постепено и темелно.
Зборовите се бираат внимателно, се почитуваат авторитетот и искуството, а комуникацијата често има тон на совет, одговорност или сериозно размислување за иднината, пренесува „Уна“.