По повод големиот христијански празник Св. Богојавление- Водици Градоначалникот на општина Делчево Иван Гоцевски заедно со тим од општинската администрација го започнува спроведувањето на кампањата “Најдоброто од Делчево”.
Станува збор за широка програмска активност која што ќе се спроведеува во наредните години, а која за крајна цел ја има промоцијата и афирмацијата на општина Делчево во регионални, национални и меѓународни рамки.
Оваа кампања иницијално започнува симболично по повод христијанскиот празник Св. Богојавление кој што има огромно значење за развојот на целокупната човекова цивилизација а пред се духовни вредности кои што афирмираат хуманистички вредности на највисокко општествено ниво.
За почеток на кампањата Градоначалникот Иван Гоцевски веќе покани повеќемина врвни интелектуалци кои потекнуваат од Делчево а кои што активно работат на различен професионален план во Македонија и во меѓународни рамки, за да бидат дел од Иницијативата за воспоставување за почеток на неформален Совет на интелектуалци, промотори и лобисти на Делчево во рамки на нивниот професионален делокруг на работа.
Оваа иницијатива се реализира за првпат во Делчево под директна инспирација и патронажа на Градоначалникот на општина Делчево Иван Гоцевски кој што ќе биде домаќин на едни од најзначајните активни интелектуалци и успешни професионалци кои израснале од овој расадник на цивилизациски вредности на двата брега околу реката Брегалница во срцето на Пијанец.
Ваквата иницијатива која ќе доживее своја материјализација во понеделник токму на празникот Богојавление- Водици во Делчево ќе биде почеток на една долгогодишна приказна која во локални, регионални, национални и меѓународни рамки ќе го изнесе “Најдоброто од Делчево” пред лицето на целокупната домашна и светска јавност, во насока на етаблирање на локалните вредности на едно препознатливо ниво во функција на зацрврстување на пијанечкиот локален идентитет и воспоставување на одржлив локален економски развој на Делчево и сите граѓани на Делчево.
Од кабинетот на градоначалникот Гоцевски најавуваат дека оваа иницијатива ќе се проширува во иднина со уште повеќе луѓе чии што лични успеси може да бидат поттик за успех на нивниот роден крај во рамки на сите општествени полиња на работа и развој.