Во Виница денеска се одржа третата седница на Советот за развој на Источен плански регион, на која беа разгледани и усвоени повеќе значајни точки поврзани со функционирањето и идниот развој на регионот.
На седницата беше усвоена завршната сметка на Центарот за развој на Источен плански регион за 2025 година, со што беше направен пресек на реализираните активности и финансиското работење на институцијата во изминатата година.
Членовите на Советот дадоа позитивно мислење и за завршните сметки на седум реализирани проекти кои биле спроведени преку Центарот за развој на Источен плански регион. Овие проекти се дел од активностите насочени кон унапредување на инфраструктурата, локалниот економски развој и подобрување на условите за живот во општините од регионот.
Во рамки на седницата беше утврдена и Листа на предлог-проекти за развој на Источниот плански регион, кои ќе конкурираат за финансиска поддршка преку Програмата за рамномерен регионален развој за 2026 година. Со овие предлози се очекува дополнително да се поттикне развојот на општините во регионот и реализацијата на проекти од значење за локалните заедници.
