Редовните прегледи се клуч за рано откривање на болести и одржување на здравјето во сите фази од животот.
Во нашeто секојдневно брзање, честопати го занемаруваме нашето здравје, но експертите предупредуваат дека превенцијата е клучот за долг и квалитетен живот. Редовните прегледи овозможуваат рано откривање на болести кои можат да се развијат без симптоми, како што се покачен холестерол, дијабетес или рак.
До 35 години
Во овој период, целта е да се утврдат основните здравствени параметри. Се препорачува систематски преглед на секои две до пет години, заедно со проверка на крвен притисок, телесна тежина и лабораториски тестови. Редовните стоматолошки прегледи и прегледи на видот се, исто така, важни.
Жените треба да прават гинеколошки прегледи и ПАП тест, а се препорачуваат и ултразвук на дојки и самопрегледи. На мажите им се препорачува редовно самопрегледување на тестисите.
Контролите на кожата се, исто така, важни за двата пола за да се спречи меланом.
По 40-годишна возраст
Фокусот се префрла на рано откривање на хронични и малигни заболувања. Се препорачуваат проверки на шеќерот во крвта, кардиолошки прегледи и ултразвук на абдоменот и тироидната жлезда.
Жените треба да започнат со мамографија, додека мажите треба да размислат за прегледи на простата.
Скрининг за рак на дебелото црево се препорачува за сите почнувајќи од 45-годишна возраст.
Редовното следење на здравјето и навремените прегледи се најдобрата заштита и инвестиција во иднина.
фото/Depositphotos