Моделот Леоми Андерсон, сега 33-годишна, беше откриена кога имаше 14 години додека се враќаше од училиште во Лондон, а само три години подоцна доби шанса за прв пат да прошета на ревијата на Марк Џејкобс.
View this post on Instagram
Годините поминати во шминкерската соба за време на модните ревии, рамо до рамо со најголемите супермодели во светот, ѝ овозможија да научи бројни тајни за убавина. Сепак, Леоми тврди дека да изгледаш како ангел на Викторија Сикрет не е толку тешко како што многу луѓе мислат.
View this post on Instagram
Моделот, кој сега е и ТВ водителка, води многу избалансиран начин на живот и не верува во диети.
View this post on Instagram
Во интервју за Дејли Меил, таа откри дека никогаш не се лишува од храна и дека не сака да врши притисок врз себе кога станува збор за тренинг.
View this post on Instagram
„Искрено, воопшто не верувам во диети. Мислам дека најважно е да се одржува балансирана исхрана. Никогаш не си забранувам да јадам што сакам. За да можам да уживам во мојата кариера колку што трае, морам да уживам во секој дел од неа. Не верувам во лишување и жртвување. Тоа не е начин на живот во кој би уживала. Сè е во рамнотежата“, рече Леоми.
View this post on Instagram
Леоми, на која неодамна ѝ беше дијагностицирана ендометриоза, експериментирала со исхраната и физичка активност за да ги ублажи симптомите.
View this post on Instagram
„Многу е важно да имате многу ѓумбир во вашата исхрана. Соковите или таканаречените „инјекции со ѓумбир“ се одлични против воспаление, а со тоа можат да помогнат и во намалувањето на болката. Мислам дека одржувањето балансиран начин на живот и исхрана е најважното нешто. Во последно време многу одам во сауна и мислам дека е одлично“, додаде таа.
Вежбањето не е нешто што Леоми го форсира. Кога нејзиниот распоред дозволува, таа претпочита да оди на пилатес.
„Веројатно не сум била во теретана три или четири недели, можеби дури и еден месец, бидејќи постојано патувам. Не сакам да се форсирам или да вметнувам тренинг во мојот распоред по секоја цена ако немам време за тоа. Но, кога можам, сакам да пробувам нови тренинзи. Голем обожавател сум на пилатесот, но исто така сакам HIIT тренинзи, кардио и разни други видови вежби. Сепак, не мислам дека тоа е нешто што морам да го форсирам во мојот распоред или да се форсирам да го правам“, откри Леоми.