Министерството за внатрешни работи поднесе предлог за поведување дисциплинска постапка за 11 вработени во СВР Велес по наоди од внатрешна контрола за непостапување целосно согласно законските обврски и процедури по претходните пријави на жртвата Росица Коцева.
Контролата покажала дека во најголемиот дел од случаите полицијата постапила согласно законските процедури, а против пријавениот била поднесена кривична пријава која завршила со условна пресуда. Сепак, во дел од претходните пријави биле утврдени пропусти.
За наодите е известено и Јавното обвинителство за натамошно постапување.