Пред вечерашниот дуел со нашиот шампион Шкендија, тренерот на кипарски АЕК Ларнака, Иманол Идиакез, изјави дека сака победа за директен пласман во осминафиналето на Конференциската лига.
„Овие играчи ми покажаа дека можам да им верувам за секоја одлука. Ќе се обидеме да победиме. Знаеме дека имаме некои шанси. Ако можеме да победиме утре, ќе завршиме меѓу првите осум, што ќе биде многу добро за нас. Одигравме 16 натпревари и знаеме дека сме малку уморни, бидејќи од еден натпревар до друг нема многу време за одмор. Исто така, има некои проблеми со отсуствата. Ова е најтешкиот дел за нас во подготовките за утрешниот натпревар. Но, сигурен сум дека утре ќе ја имаме потребната енергија. Се надеваме дека нашите навивачи ќе бидат, како и секогаш, покрај нас, да ни помогнат и да ги поддржат играчите, да им ја дадат енергијата што ни е потребна, бидејќи минатата недела беше многу напорна. Утре ќе одиграме добар натпревар. Играме дома, со нашите навивачи. Се надевам дека ќе можеме да победиме и да уживаме во него“, изјавил тренерот на АЕК Ларнака.