Арсенал, според пишувањето на Fichajes, започнал преговори со Пари Сен Жермен околу ангажманот на францускиот репрезентативец Бредли Баркола. Овој 23-годишен фудбалер сезонава се бори за поголема минутажа во Париз.
Токму незадоволството од малата улога во тимот ги поттикна гласините дека Баркола веќе оваа година би можел да го напушти клубот. Лондонскиот тим наводно е подготвено да биде во првите редови за неговиот потпис, а менаџерот Микел Артета во него гледа решение за напаѓачката линија на својата екипа.
Баркола, кого го опишуваат како „суперѕвезда“, важи за еден од најдобрите крилни напаѓачи во светот, а неговата ситуација во Париз го привлече вниманието на бројни европски гиганти. Иако ПСЖ му понудил нов договор, се верува дека играчот е подготвен за нов предизвик со цел да добие повеќе минути и целосно да го реализира својот потенцијал.
Тоа го натерало Арсенал да стапи во контакт со францускиот клуб и да ја испита можноста за трансфер кој би можел да го сруши клупскиот рекорд. Парижаните и самите планираат освежување на нападот во текот на летото, а иако официјалниот став е дека Баркола не е на продажба, се верува дека богата понуда, заедно со јасната желба на играчот да си замине, би можела да го промени нивното мислење.