Кочани се подготвува за меморијалните активности посветени на 63-те млади животи загубени во пожарот во дискотеката „Пулс“ пред една година. Од 14 до 16 март, градот и околните општини ќе оддадат почит низ духовни, спортски и симболични настани, потсетувајќи на важноста од безбедност и институционална одговорност.
Три дена за 63 ангели
- 14 март: Духовна почит со богослужби и опело во храмот „Св. Великомаченик Георгиј“ и посета на вечните почивалишта на загинатите.
- 15 март: Ден посветен на животот и движењето – велосипедска тура од Штип до Кочани и планинарски марш на Пониква во чест на жртвите.
- 16 март: Кулминација на меморијалот со 63 бели столчиња во Паркот на револуцијата и централниот настан „Светлина што останува“ пред дискотеката „Пулс“.
Солидарност и системски решенија
Во Скопје ќе се одржи Меѓународна конференција со 37 експерти од 19 европски држави за анализа на институционалната реакција и предлагање на системски мерки за заштита од идни несреќи. Во Штип ќе се постави камен-темелник за спомен-обележје со пет гулаби и ангел кои ќе ги носат имињата на загинатите ученици од медицинското училиште „Јане Сандански“.
Правда и одговорност
Семејствата на жртвите истакнуваат дека барањето за правда останува отворено, нагласувајќи дека судските процеси мора да расветлат како дискотеката „Пулс“ функционирала спротивно на законите и кој го дозволил нејзиното работење. Градоначалникот Vlatko Grozdanov ги повика граѓаните на достоинство и почит, истакнувајќи дека барањето за одговорност нема да престане додека виновниците не бидат казнети.
Оваа меморијална програма не е само оддавање почит, туку и крик за безбедност и правдина кој треба да одекне низ институциите за никогаш повеќе да не се повтори ваква трагедија.
Градоначалникот на Кочани, Влатко Грозданов, апелираше до граѓаните во текот на тридневното одбележување на најголемата трагедија на Кочани да се воздржат од излегување на улица со автомобили, со цел странските делегации да можат слободно да се движат низ градот.
„Апелирам до јавниот и до приватниот сектор во градот да ги ослободат вработените од работните обврски, за да може сите заедно на достоинствен начин да им оддадат почит на жртвите“, рече Грозданов.
Содржините од одбележувањето на годишнината ќе се одржат од 14 до 16 март на различни локации. Одбележувањето ќе почне в сабота со богослужба во храмот „Свети Георгиј“. Во 10:45 часот на Градските гробишта ќе биде одржано опело за жртвите.
На 15 март во 9 часот ќе се одржат рекреативна трка и велосипедска тура на релација Штип-Кочани, а во исто време ќе започне и првиот меморијален планинарски марш „Ивона Антова и 63 ангели“ на Пониква. Во 10 часот во спортската сала кај гимназијата во Кочани ќе се одржи кошаркарски турнир помеѓу повредените во трагедијата.
Во Центарот за култура „Бели мугри“ во 13:30 часот ќе биде прикажан музичко-балетски перформанс насловен „Кочани ви благодари“, по што следува концерт на Марко Виденовиќ и триото „Мевлем“. Во 17:30 часот во еден од салоните на „Бели мугри“ ќе биде промовирана книгата „Ќе те има“ од Марина Стојчевска.
На 16 март во 2:15 часот пред дискотеката „Пулс“ ќе се одржи настан насловен „Светлина што останува“, а во 7 часот ќе почне трката Свети Николе-Штип-Облешево-Кочани. Во Паркот на револуцијата во Кочани во 8:45 часот ќе биде поставена симболичната инсталација „63 бели столчиња – 63 животи“, со муралот „Ѕид на сеќавање“, посветен на жртвите. Во 9 часот е предвиден прием на гости и делегации во Општината, а во 10 часот ќе се одржи молитва за упокоените. Комеморацијата „Ден на сеќавање – 16 март 2025“ ќе се одржи во 10:30 часот во Центарот за култура „Бели мугри“. Во 12:30 часот ќе се отвори меморијалот „Недовршени соништа – секое име е нечиј свет“, со што ќе заврши тридневното оддавање почит кон загинатите во пожарот во кочанската дискотека.
Владата денеска соопшти дека за годишнината на пожарот во „Пулс“ на 14 март ќе ја организира меѓународната конференција „Институционални и клинички аспекти и решенија по пожарот во Кочани – една година потоа“. На оваа конференција најавено е присуството на 37 лекари и медицински експерти од странство, кои во најтешките денови по трагедијата во Кочани директно учествуваа во лекувањето на пациенти.