Навивачите на косовската репрезентација решија да ја држат турската репрезентација без сон пред финалето од плејофот, кое ќе се игра вечерва во Приштина.
Тие организираа огромен огномет пред хотелот каде што престојуваат гостинските играчи. Сè започна по полноќ, а експлозиите биле доста гласни.
Сонот на репрезентацијата дефинитивно беше прекинат. Турците се жалат на социјалните мрежи и велат дека се разочарани.
„Немаше дури ни обезбедување околу хотелот. Група косовски навивачи го искористија ова за да направат огромен огномет пред хотелот на полноќ и да ги разбудат нашите играчи“, се наведува во соопштението.