По неколкунеделно уверување дека енергетската состојба е стабилна, Владата сега повлекува нов потег – ќе се намалуваат акцизите на горивата. Кај дизелот акцизата се крати за 4 денари, а кај бензините за 2 денари, најави денеска премиерот Мицкоски. Повластената стапка на ДДВ од 10 отсто останува на сила уште две недели. За утре е закажана владина седница на која ќе се официјализираат овие мерки, со цел да се намали притисокот врз стандардот и да се ублажи инфлацијата, која за март се проектира меѓу 4 и 5 проценти. Во наредниот период, Владата ја разгледува и можноста за целосно укинување на ДДВ-то за основните прехранбени продукти.
И покрај тоа што намалувањето на акцизата ќе значи загуба од неколку десетици милиони евра во буџетот, Мицкоски уверува дека во него има доволно средства. Токму затоа, веќе се најавува сериозен ребаланс на Буџетот, кој треба да биде подготвен до мај, а во собраниска процедура да влезе во јуни. Целта е да се најдат пари за сите колективни договори и мерки за помош, без да се загрози тековната ликвидност.“
И додека Владата ги промовира овие чекори како спасоносни, опозицијата смета дека тие се само „задоцнети,. Лидерот на СДСМ, Венко Филипче, со остра критика – тврди дека власта предолго тактизирала и ги игнорирала предупредувањата додека стандардот на граѓаните тонел.
На терен цените во маркетите растат побрзо од секоја владина одлука, а граѓаните секојдневно се прашуваат: дали намалувањето на акцизата е само „капка во морето“ додека инфлацијата незапирливо го јаде секој преостанат денар?Во пресрет на Велигден, кога побарувачката традиционално е највисока и јајцата стануваат луксуз.Според европските статистики цесните на јајцата во Македонија пораснале за 26,3% на годишно ниво, што ја става меѓу најпогодените земји во Европа, веднаш зад Шпанија. Овој раст е значително повисок од општата инфлација и се чувствува особено во пресрет на празникот кога побарувачката расте. Иако јајцата сè уште се релативно поевтини отколку во Западна Европа, брзиот раст силно ги погодува домашните буџети. Сличен тренд има и во други европски земји, додека во најголемите економии поскапувањето е поумерено.