Се чини дека некои работи почнаа да се менуваат во фубалот во С. Арабија. Саудискиот инвестициски фонд познат како ПИФ, го продаде мнозинскиот дел во фудбалскиот клуб Ал Хилал на „Кингдом Холдинг“.
Еден од четирите саудиски клубови во сопственост на државата преминува во приватни раце. Во иднина, Ал Хилал ќе биде контролиран од компанија управувана од принцот Алвалид Бин Талал.
Зборуваме за милијардер и роднина член на кралското семејство кој издвоил 373.000.000 долари за 70 проценти од сопственоста на клубот. Засега нема индикации дека ПИФ би можел да се откаже од својот мнозински удел во Ал Наср, Ал Ахли и Ал Итихад. Покрај саудиските тимови, ПИФ го има и Њукасл во свои раце.
Па така, значаен дел од државните пари повеќе нема да се инвестираат во Ал Хилал, кој има ѕвезди како Карим Бензема, Дарвин Нуњез, Сергеј Милинковиќ-Савиќ, Калиду Кулибали, Рубен Невес и Симоне Инзаги кој ги предводи од клупата.
Саудискиот инвестициски фонд е мнозински сопственик на Ал Хилал од 2023 година.
