Германската полиција минатата година открила пиштоли скриени во шума во близина на Берлин, за кои веруваат дека требало да се користат за извршување атентати во име на руската разузнавачка служба, објавија германските медиуми.
Медиумите велат дека еден осомничен е уапсен во Романија и дека можеби е одговорен за поставувањето на складиштето за оружје.
Германската разузнавачка служба, која предупредува на зголемен ризик од руска саботажа или обиди за атентат, била убедена дека оние што го поставиле скриеното складиште дејствувале по наредба на руските служби.
Потенцијалните цели вклучувале раководители на одбранбената индустрија, протерани опозициски личности и поддржувачи на Украина, објави Гардијан.