Американскиот претседател Доналд Трамп изјави дека на Гренланд наскоро ќе започне масовно истражување на нафта, гас и минерали. Трамп не сподели детали за плановите за истражување на Гренланд, но рече дека постојат експерти кои тврдат дека количината на лесно достапна нафта е далеку поголема од онаа на речиси која било друга територија во светот.
Минатиот месец, САД, Данска и Гренланд потпишаа договор со цел да се стави крај на тензиите по неколкукратните закани на Трамп дека ќе ја преземе контролата врз овој стратешки важен остров богат со минерали.
„Секој иден напад врз Соединетите Држави ќе мора да оди преку Гренланд, каде што нашата одбрана рутински ќе ги соборува беспилотните летала, ракетите или кој било друг вид оружје што сè уште не е ниту измислен“, додаде Трамп во својата објава на „Truth Social“.
Договорот потпишан меѓу САД, Данска и Гренланд ја проширува улогата на американската војска на Гренланд, отворајќи пат за две нови воени бази и за ракетниот одбранбен систем на Трамп наречен „Златна купола“ , притоа потврдувајќи го данскиот суверенитет и правото на жителите на Гренланд на самоопределување.
