Репрезентацијата на Казахстан веќе е во Скопје. Следниот противник на Македонија во квалификациите за пласман на Светското првенство 2026 година иако во нашиот главен град слета доцна синоќа, сепак беше пречекан од неколкумина фанови во хотелот „Лимак“.
Фудбалерите на Казахстан вечерва на Арената „Тодор Проески“ ќе имаат тренинг, тие слетаа од Астана.
Македонија на утрешната пресметка со оваа репрезентација влегува како лидер во својата група. Боби Милевски и неговите момци имаат 12 бода, еден повеќе од Белгија и два повеќе од Велс. Казахстан е на четвртото место со шест бода.