Американката Британи Алин одлучи да го прослави својот 40-ти роденден на необичен начин – со тоа што се омажи за себе. Таа потроши повеќе од 35.000 евра на раскошна церемонија и викенд прослава во аристократски имот во Англија, а покани и 35 од нејзините најблиски пријатели и членови на семејството. Нејзината цел, вели таа, била „периодот на влегување во нејзината петта деценија, кој го доживеала како застрашувачки, да го претвори во момент на оптимизам и моќ“.
„Не сакав да бидам депресивна“
Оваа инфлуенсерка од Њујорк откри како дошла до идејата за оваа прослава.
View this post on Instagram
„Минатото лето се разбудив и си помислив: Леле, за шест месеци полнам 40 години, одбројувањето започна“, рече таа. „Сфатив дека не можам да го спречам тоа, па зошто да не направам нешто што ќе ме натера да се радувам на мојот 40-ти роденден, наместо да бидам депресивна во следните шест месеци?“
Таа објасни дека ова го сметала за совршена можност да помине два дена со сите нејзини најблиски од различни периоди од нејзиниот живот, откако, како што вели, чекала 20 години за „сите тие моменти“. Сфатила дека не мора да чека некој друг да ја комплетира за да создаде спомени, туку можела сама да го направи тоа.
View this post on Instagram
Беше како вистинска свадба
Голем обожавател на принцезата Дајана и британската аристократија, Британи го изнајмила целиот имот Хинвик Хаус во Нортхемптоншир за прославата.
Работејќи со почитуваната организаторка на настани Луиз Рајт, таа го дизајнирала секој детаљ за сè да се чувствува како вистинска свадба. Стилистката Оливија Бакингем, која работи со членови на кралското семејство, ѝ помогнала да избере луксузна венчаница од тил од брендот Millia London.
View this post on Instagram
„Не сакав да биде трошна или тажна, само сакав да биде возвишена“, рекла таа. „Имав тим од пет лица за фризура, шминка, фотографија и креирање содржина. Имав и посебен венчален апартман, а додека се подготвував, носев елегантен син фустан од чипка.“
Нејзината тетка Памела ѝ подарила наследен часовник. Во 19 часот, виолинистите ја отсвирија познатата „Canon in D-Dur“ до кула со шампањ, а нејзиниот брат Рики ја одведе по скалите, кои импровизираа премин до олтарот, за да ги поздрави гостите.
View this post on Instagram
Вечера во стилот на „Saltburn“ и забава инспирирана од Студио 54
По церемонијата следеше раскошна вечера во стилот на филмот „Saltburn“, комплетирана со фонтана со мартини и музички хитови од почетокот на 2000-тите. Следниот ден, гостите учествуваа во пукање глинени гулаби и уживаа во традиционален англиски пикник, облечени во облека на Ралф Лорен.
View this post on Instagram
Втората вечер, куќата беше трансформирана во клуб Студио 54. Собата беше украсена со сребрени балони, а гостите беа изненадени од саксофонист. Британи, исто така, одржа говор во кој сподели краток спомен за секој гостин. Забавата, со танцување и колачиња со диско тематика, траеше до раните утрински часови.
View this post on Instagram
„Меден месец“ во Париз
„Сфатив дека можеби токму го организирав првиот настан за јакнење на жените во 300-годишната историја на куќата“, рече таа. „Бев првата жена што сама плати за секој цент од таков настан, и веројатно првата што воопшто го организираше. Тоа беше момент на јакнење за сите генерации жени пред нас кои немаа права.“
View this post on Instagram
Таа заклучи дека пораката не е само за „да се биде млад“, туку за славење на себеси и остварување на вашите соништа, дури и ако тие се поврзани со свадба. По забавата, Британи отпатува во Париз за соло „меден месец“, кој го опиша како совршена можност да се релаксира по раскошната прослава.
View this post on Instagram
View this post on Instagram
View this post on Instagram