Театарскиот фестивал „Петар Кочиќ“ во Бања Лука заврши, а жирито едногласно донесе одлука наградата за најдобар актер на фестивалот да му припадне на Никола Ристановски за улогата на Мишел Бабиќ во претставата „Уна“ на Звездара театар.
Жирито на 28. театарски фестивал беше во состав: членовите – актерката Наташа Периќ и режисерот и универзитетски професор Душан Петровиќ, како и драматургот Молина Удовички Фотез, како претседател.
Во нивното образложение стои дека Никола Ристановски „непосредно, едноставно, искрено и суптилно го гради ликот на професорот Бабиќ, интелектуалец раскинат меѓу баналната реалност и силната внатрешна потреба за слобода“.
За Ристановски ова е четврта награда за улогата на професорот Бабиќ во „Уна“, откако претходно беше награден и на „Деновите на Зоран Радмиловиќ“ во Заечар, како и на Глумачките свечености „Миливоје Живановиќ“ во Пожаревац.