Одличен настап на учениците од ООУ „Ванчо Китанов“ – Пехчево во Сплит!
Бојана Јовевска и Марија Стефановска, ученички во ООУ „Ванчо Китанов“ – Пехчево, со одличен настап ги претставија своето училиште и Општина Пехчево на спортските натпревари за млади во Сплит, Хрватска.
Под менторство на наставникот по физичко и здравствено образование, Андреј Митровски, нашите ученички се натпреваруваа со своите врсници од пет земји – Македонија, Србија, Босна и Херцеговина, Хрватска и Словенија.
Бојана Јовевска го освои третото место, покажувајќи одлична игра, спортски дух и борбеност. Со својот настап достојно ги бранеше боите на Македонија и успешно ги претстави ООУ „Ванчо Китанов“ и Општина Пехчево.
Честитки за Бојана, Марија и нивниот ментор Андреј за одличниот успех! Ви посакуваме уште многу спортски успеси и освоени медали!
Горди на нашите млади спортски таленти!
