Атлетичарка од Колорадо, која сонувала да се натпреварува на Олимписките игри во фрлање ѓуле, беше уапсена под сомнение дека избодела до смрт возач на Убер, оставајќи го неговото безживотно тело на ливада и одејќи со својот автомобил – затоа што, како што ѝ рекла на полицијата, ѝ било „здодевно.
„Њујорк пост“ објавува дека Кајла Досон (27), поранешна атлетска надеж од Колорадо Спрингс, е обвинета за убиство на 38-годишниот Џереми Кемпбел со пресекување на грлото со кујнски нож и крадење на неговиот автомобил и паричник, соопшти канцеларијата на шерифот на округот Ел Пасо.
На почетокот, таа тврдела дека нарачала Убер да оди кај нејзината пријателка, но подоцна ја променила својата изјава, објавува порталот krdo.com, повикувајќи се на извештајот за апсењето.
На крајот таа рекла дека се чувствувала „затворена“ и сакала „да излезе од куќата, да се вози и да се надиши воздух“, се вели во извештајот.
