Нејамр нема да се врати на теренот до крајот на 2025 година, што значи дека Сантос ќе мора да води клучна битка за останување во првата дивизија без него. Нејмар веќе го пропушти натпреварот против Интернационал во понеделник поради она што првично изгледаше како мали проблеми. Подеталните прегледи открија проблем со неговиот менискус, поради што неговата сезона е завршена. Тој ќе ги пропушти преостанатите три кола, а последното се игра на 7 декември.
Славниот Бразилец одигра три натпревари по ред, но по натпреварот против Мирасол почувствува болка. Затоа одмори против Колорадо како мерка на претпазливост за да биде подготвен за домашниот натпревар оваа недела против Спорт. Она што изгледаше како безопасна ситуација, прерасна во сериозен проблем, пишува „Ас“.
Ова е четвртата повреда на Нејмар во 2025 година. Претходните три се случија во март, април и септември, и токму овие проблеми го спречија да најде континуитет во играта и да се врати во бразилската репрезентација, која сега изгледа подалеку од кога било.
Неговиот клуб Сантос се соочува со критична борба за опстанок во сезоната што трае до Божиќ. Тие моментално се во зоната за испаѓање, еден бод зад безбедната екипа. Секој исход освен победа би бил неповолен. После тоа, Сантос патува во Хувентуд и ја затвора сезоната дома против Крузеиро.