Тренерот на Бенфика, Жозе Мурињо е незадоволен од судиските одлуки на натпреварот против Челзи. Синоќа неговиот тим загуби во Лондон со 1:0 на средбата против неговиот поранешен тим.
„Челзи беше многу силен во преодните фази. Направив замени за да додадам свежина, но тие имаа играчи на клупата кои беа посилни од оние што стартуваа. Имаат многу опции. Имам чувство дека Жоао Педро можеше да добие втор жолт картон многу порано. УЕФА е премногу строга во придржувањето кон правилата. Исклучувањето на Флорентино во Истанбул е пример за тоа. А инцидентот со Отаменди исто така заслужуваше втор жолт картон. Играта дефинитивно ќе се променеше“, смета Мурињо.