Килијан Мбапе е прогласен за најдобар играч за месец октомври во Ла Лига. Ова за напаѓачот на Реал Мадрид е второ вакво признание од стартот на сезоната, тој беше нај, нај и за месец септември.
Со ова Мбапе се запиша во историјата на „Кралевите“ како прв играч на овој клуб кој двапати по ред бил прогласуван за играч на месецот.
Французинот во Ла Лига за Реал Мадрид минатиот месец одигра три меча и постигна три гола и имаше една асистенција. Секако дека победата во Ел Класико и тоа како му овозможи да го добие ова признание.
Од стартот на сезоната, Мбапе во Ла Лига во дресот на Реал Мадрид на десет меча постигна 10 голови и е водечки стрелец.