Папараците го следат секој чекор на Кендал Џенер и Џејкоб Елорди, а се чини дека тие двајца тивко стануваат еден од најинтригантните парови – токму затоа што не зборуваат јавно за својата врска.
Кендал Џенер, еден од најпознатите светски модели, веќе некое време е во врска со Џејкоб Елорди. Социјалните мрежи се преплавени со фотографии и видеа од парот, но интересно е што и актерот и моделот молчат на таа тема.
BRB obsessing over new Jacob Elordi and Kendall Jenner content 🎥: BACKGRID https://t.co/oD25ImeYVw
— Page Six (@PageSix) September 29, 2026
Откако започна Модната недела во Париз – на која Кендал прошета по пистата уште првиот ден – Елорди беше покрај неа цело време. Потоа, парот прошета низ Париз додека папараците ги следеа во чекор, ситуација што на крајот го изнервира познатиот актер.
Елорди се соочи со папараците кои ги фотографираа за време на прошетката во Париз, а снимката од инцидентот брзо стана вирална на социјалните мрежи.
Kendall Jenner and Jacob Elordi continued their romantic trip across Europe with a stop in Paris on Monday evening where they headed out on a date night ❤️ https://t.co/XATB2x1WsY 🔗 https://t.co/s1K1aFqGjD
— Daily Mail Celebrity (@DailyMailCeleb) September 29, 2026
Ѕвездата на серијата „Еуфорија“ ги замоли фотографите: „Чекајте, чекајте, чекајте“, пред да праша: „Може ли само да прошетаме до хотелот? Без блиц – само оставете нè да одиме. Само оставете нè на раат“, побара актерот.
Во меѓувреме, Кендал со рацете ги штитеше очите од блесоците на фотоапаратите, додека нејзиниот партнер ја прегрна околу половината за да ѝ помогне да ја премине улицата. Оваа реакција веднаш предизвика лавина коментари на социјалните мрежи, при што многумина се прашуваа како Елорди може да очекува приватност додека е во врска со Кендал Џенер…
Kendall Jenner and Jacob Elordi in Paris! https://t.co/muQX9jbOWX
— Cine Probe🍿 (@Cineprobe) September 30, 2026
„Дали е свесен дека тоа е она што го очекува постојано со неа?“, напиша еден корисник, додека друг додаде дека тие двајца моментално се „најжешкиот пар во Холивуд“.
Уште од почетокот на својата кариера, Џејкоб Елорди се труди деталите од приватниот живот да ги држи подалеку од очите на јавноста; тој дури и не користи социјални мрежи.